Ako simpleng
tao, simple man an kaogmahan ko!
May maray na
trabaho na tama an sweldo;
Magka
akomplisemiento sa paaging aram ko,
Maging
epektibo sa anuman na gigibuhon ko.
Ako mayo nin
ibang mawot kundi an kaogmahan mo,
Itao saimo
an bilog na pagkamoot ko;
Dae naglalaom
nin anuman na pagbalos hali saimo,
Iyan man
lugod maintindihan asin maging kapanuan mo.
An dating
gawi dai tulos mahahale,
Alagad dikit
dikit mawawara man sana ini;
Kaipuhan
panahon asin padagos na pagirumdom,
Tangani sana
an iribanan maging madahom!
Totoo na ako
dae mo pinalaom o pinirit,
Ako nadara
kan saimong mahamis na ngirit.
Asin nangaturugan
na ika na an sakong makaibahan;
Sagkod sa
huring hinangos kan sakong daghan.
Hagad an kapatawaran
sa nagibong kasalan,
Na lugod
panibagong tsansa ako matawan;
Ika
namumundo dara kan pagmakulog sako,
Huli ta habo
mo man na ako saimo maparayo. (asa!)
Kaugmahan na
naitatao mo mayo nin makakatumpar,
An sakong
puso permi nagrurokyaw asin nagseselibrar;
Kada minuto
kan oras na ika kaibahan permi garu kulang,
Pinapamate
mo nanggad na ika yaon sakuyang katuwang.
Ika saro sa
nagtatao nin kapanuan sako, iyo man an kaogmahan ko!
Dae ka man
lugod magbago saibong kan mga kakulangan ko;
Panuga ko
saimo gigibuhon ko an gabos tanganing makabalos,
Sa dae nin kundisyon
na pagpadangat na sako saimong pinabulos.
Siring sa
sarong tinampo puon digdi sagkod duman puro,
Matatag yan
siring kan pagkamoot ko saimo!
Oho! O iyo
ini an simpleng kaogmahan ko.
Hahah! Ini
si Hansel Arcilla, simpleng tao
alagad totoo!
